Back هيدروكربون عطري Arabic Aromatik karbohidrogenlər Azerbaijani آروماتیک کربوهیدروژنلر AZB Арени Bulgarian অ্যারোম্যাটিক হাইড্রোকার্বন Bengali/Bangla Aromatski ugljikovodici BS Hidrocarbur aromàtic Catalan ھایدرۆکاربۆنی ئاڕۆماتی CKB Areny Czech Aromatische Kohlenwasserstoffe German
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Un hidrocarburu arumosu o arenu[1] ye un compuestu orgánicu cíclicu conxugáu que tien una mayor estabilidá por cuenta de la deslocalización electrónica n'enllaces π.[2] Pa determinar esta carauterística aplícase la regla de Hückel (tien de tener un total de 4n+2 electrones π nel aniellu) en considerancia de la topoloxía de superposición d'orbitales de los estaos de transición.[2] Por que se dea l'arumosidá, tienen de cumplise ciertes premises, por casu que los dobles enllaces resonantes de la molécula tean conxugaos y que se dean siquier dos formes resonantes equivalentes. La estabilidá escepcional d'estos compuestos y l'esplicación de la regla de Hückel fueron esplicaos cuánticamente, por aciu el modelu de "partícula nun aniellu".
Orixinalmente'l términu taba acutáu a un productu del alquitrán mineral, el bencenu, y a los sos derivaos, pero na actualidá inclúi casi la metá de tolos compuestos orgánicos; el restu son los llamaos compuestos alifáticos. L'esponente emblemáticu de la familia de los hidrocarburos arumosos ye'l bencenu (C6H6), pero esisten otros exemplos, como la familia d'anulenos, hidrocarburos monocíclicos totalmente conxugaos de fórmula xeneral (CH)n.